முல்லைத்தீவில் கடற்றொழிலாளர்களின் போராட்டம் நடைபெறும் இடத்துக்குச் சென்ற வடமாகாண முதலமைச்சர் சி.வி.விக்னேஸ்வரன், அவர்களின் பிரச்சினைகள் குறித்து கேட்டறிந்து கொண்டார்.
முல்லைத்தீவு மாவட்டத்தில் தடைசெய் யப்பட்ட தொழில் முறைகளை நிறுத்தக் கோரி கடற்றொழிலாளர்கள் ஆறாவது நாளாக நேற்று செவ்வாய்க்கிழமை போரா ட்டத்தை மேற் கொண்டனர்.
இந்நிலையில் முதலமைச்சருடன் மாகாண மீன்பிடித்துறை மற்றும் விவசாய அமைச்சர் க.சிவநேசன், மாகாண சபை உறுப்பினர்களான து.ரவிகரன், ஆ.புவனேஸ்வரன் ஆகியோர் போராட்டம் நடைபெறும் இட த்துக்குச் சென்று கடற்றொழிலாளர்களுடன் கலந்துரையாடலை மேற்கொண்டனர்.
கடற்றொழிலாளர்களுடனான கலந்துரையாடலையடுத்து ஊடகங்களுக்கு கருத்துத் தெரிவித்த முதலமைச்சர்,
முல்லைத்தீவு மாவட்டத்தில் மேற்கொள்ளப்பட்டு வரும் சட்டவிரோத தொழில் முறை குறித்து என்ன நடவடிக்கை எடுக்கலாம் என அறிந்து கொள்வதற்காக மாவ ட்ட கடற்றொழிலாளர் சங்கங்களின் உறுப்பினர்களை சந்தித்து பேச்சுவார்த்தை நடத்தியுள்ளேன். ஒரு மணிநேரம் அவர்களின் பிரச்சினைகளை கேட்டறிந்துகொண்டேன். இந்தக் கலந்துரையாடலில் வெளிமாவட் டங்களிலிருந்து வருபவர்களால் அம் மீனவர்கள் பிரச்சினைகளை எதிர்கொள்வதாக தெரிந்துகொண்டேன்.
முல்லைத்தீவு மாவட்டத்தில் சட்டத்திற்கு புறம்பான முறையில் மீன்பிடி தொழில்களில் ஈடுபடுகின்றார்கள் என்றும் இதனால் மீன்வளங்கள் மிக விரைவாக குறைந்து செல்கின்றன என்றும் மீனவர் கள் தரப்பினால் தெரிவிக்கப்பட்டது. ஒரு சிலர் குறைந்த கண் இருக்கின்ற வலைகளை பாவிக்கும் போது சிறிய மீன்கள் அதில் பிடிபடுகின்றன. அவற்றை அவர்கள் வீணாக்குகின்றார்கள் என்றும் தெரிவித்துள்ளார்கள். இந்த மீனவர்களின் பிரச்சினை தொடர்பில் மீன்பிடித்துறை அமைச்சருடன் பேசவேண்டிய தேவை எங்களுக்கு இருக்கின்றது. அத்துடன் வடமாகாண மீன்பிடி திணைக்களத்தின் உத்தியோகபூர்வமான அலுவலகம் இங்கு இல்லாதது பெரும் சிரமத்தை தந்துள்ளதாகவும் மீனவர்கள் குறிப்பிட்டுள்ளார்கள். அது சம்பந்தமாக நடவடிக்கை எடுத்துக்கொண்டிருக்கின்றோம்.
இவ்வாறு மீனவர்கள் பல பிரச்சினைகளை கூறியுள்ளார்கள். இது தொடர்பில் மத்திய அரசாங்கத்துடன் பேசி ஒரு முடிவுக்கு வர இருக்கின்றோம். எதிர்வரும் 12 ஆம் திகதி கடற்றொழில் அமைச்சர் இங்கு வருகை தரவுள்ளார். அதற்கு முன்னர் மக்கள் சார்பில் எங்களின் கருத்துக்களை அவர்களுக்கு தெரியப்படுத்தவுள்ளோம். ஏனைய விடயங்களை அவர்களுடன் பேசி யதன் பின்னர் தான் தீர்க்கமான முடிவுக்கு வரமுடியும் என்றார்.
No comments:
Post a Comment